چونیں ڈُکّالے گندئے


نیست چراگے شپ بے وانکاں

نئیکہ شپءَ را مسکیں مہمان

نئیکہ زمینءَ کورءِ پد

نئیکہ کنارہ دریاہی

چونیں ڈکّالے گندئے

نیستیں تئی لُنٹانی ھریریں بچکند

نئے تئی دستانی آزاریں  نرمی

نئے تئی پادانی ہاموشیں آوازے

ہچّی نیست تئی گیابانءِ بالادءِ سرا

اے رندی تئی سجّیں شئیدا ھیراناں

ہُشک بیانیں پیشانی آھیریں لکیراں

گار بیانیں زردی تئی اسپیتیں دیمءِ

اَئے آبادیں گیابانءِ ہم رنگیں جنک

چم پہ سوادے پتو نیاہاں امروزءِ

تئی اوپارءِ سبزیں تاکاں آپ نہ رست

پیشانی ءِ سبزی مرچاں گاریں تئی

اکرم اسلم