کندگاں ڈس نیست 


دوشی پدا یاد اتکگ ئے 

گوں کندگاں، زیبائی ءَ چاڑے جتگ

شِیریں بدن چو مائیکان ءَ شنز اِتگ 

دروازگ ءَ راہ چار اِتگ 

باگیں بھشتانی سمین در کپتگ اَنت 

تئی چارگ ءَ، وش اتکی ءَ 

عمر ءِ توامیں ماہ ءُ سال اوشاتگ اَنت 

شئیراں فرشتہ دیستگ اَنت 

دوشی کہ تو یاد اتکگ ئے

من نشتگاں دروازگ ءِ چمانی دنیا چار اِتگ 

تئی لُڈگانی موسم ءَ سر کش اتگ، پہ آیگ ءَ

پُلاں زمینے جیڑ اتگ

اسپیت بوتگ زندگی 

تئی کندگانی زیمر ءَ باگیں بھشتانی سمین آپ داتگ اَنت

من ھم وتی تُن ءِ لکیر مستر کتگ


چندن ساچ